Kush jemi ne?

Instituti i Kërkimeve Urbane (IKU) me qendër në Tiranë dhe një eksperiencë prej më shumë se 12 vitesh në fusha të ndryshme si trajnime, studime, manaxhime dhe implementime projektesh. Instituti i Kërkimeve Urbane ka nje experience te gjere me donatorë të ndryshëm, duke përfshirë USAID, PNUD, Banka Botërore, SIDA, SOROS dhe donatorë të tjerë. Disa nga projektet tona të realizuar së fundmi kanë në fokus:
 
• Ofrimi i trajnimeve dhe pergatitja e udhezuesve e manualeve te ndryshem per njesite e qeverisjes vendore ne Shqiperi ne fusha te ndryshme si: zhvillimi i komunitetit, pjesmarja qytetare, planifikim strategjik dhe buxhetim me pjesemarrje;

• Moderimi i diskutimeve dhe strategjive në fushën e decentralizimit, asistencë në bërjen e politikave në nivelin qendror dhe lokal në Shqipëri;

• Matja e indikatorëve të performancës në ofrimin e sherbimeve publike, vlerësim të projekteve të komunitetit për infrastrukturën, vlerësimi dhe kategorizimi i kushteve të shkollave dhe hartimi i standarteve për objektet arsimore e disa sherbime publike;

• Krijimi i programit antikorrupsion në bashki të ndryshme, standartizimi i proçedurave, ngritja e qendrave të informacionit dhe shkëmbimi i informacionit midis qytetarëve dhe bashkive.

• Pjesëmarrja aktive si antar i lëvizjeve për mjedisin, të cilët sensibilizojnë dhe ndërgjegjësojnë qytetarin për të drejtën e tyre për një mjedis të shëndetshëm dhe standarte më të mira ekonomike dhe sociale duke u bazuar mbi dialog dhe partneritet.

Stafi kryesor gëzon reputacion të mirë dhe të konsoliduar në fushën e zhvillimit të komunitetit në Shqipëri. Në të njëjtën kohë ,IKU bashkëpunon me një spektër të gjerë ekspertësh të fushave të ndryshme sipas kërkesave të projekteve specifike. Më shumë informacion ofrohet në faqen e internetit www.uri.org.al; sidoqoftë nëse dëshironi të diskutoni mundësitë me ne apo për të mësuar më shumë për organizatën tonë ju lutem mos hezitoni të na kontaktoni.