Deklarata e Bells-it

Ne qytetarët, përfaqësues të sektorit civil, kërkojmë nga vendimmarrësit (anëtarët e Kuvendit dhe qeverive në nivel kombëtar dhe lokal, në Ballkanin Perëndimor) të marrin parasysh pikat e kësaj deklarate si pjesë përbërëse në krijimin dhe zbatimin e politikave të zhvillimit të qëndrueshëm.

Deklaratë
Në mbështetje dhe forcimin e bashkëpunimit rajonal për çështjet mjedisore në Ballkanin Perëndimor bëjmë thirrje vendimmarrësve të:

• Përfshijnë çështjet e mjedisit dhe zhvillimit të qëndrueshëm si një nga prioritetet dhe pjesë përbërëse e politikave ekonomike dhe sociale që zbatohen në nivel rajonal, kombëtar dhe lokal në Ballkanin Perëndimor;
• Ndikojnë në hartimin e shpejtë dhe zbatimin e ligjeve që janë në harmoni me direktivat e BE-së, të cilat do të përmirësonin jetën e qytetarëve;
• Zhvillojnë bashkëpunime të rëndësishme dhe dialog me sektorin civil gjatë procesit të zbatimit të vlerave të standardeve të BE-së;
• Forcojnë bashkëpunimin rajonal për të gjitha çështjet e lidhura direkt ose indirekt me zhvillimin e qëndrueshëm dhe mjedisin.
• Zhvillojnë strategji dhe Plane Veprimi rajonale, kombëtare e lokale me synimin për të siguruar Zhvillimin e Qëndrueshëm dhe sigurinë e Energjisë, dhe tejkalimin në mënyrë efikase të pasojave negative të ndryshimeve klimatike për qytetarët dhe gjeneratat e ardhshme;
• Garantojnë një ambient që inkurajon hapjen e vendeve të gjelbra të punës;
• Forcojnë kapacitetet e shërbyesve civilë në nivel kombëtar dhe lokal, të cilët janë të ngarkuar me detyrën për të zbatuar ligjet mjedisore;
• Kontribuojnë me vendimet e tyre për konsumim të qëndrueshëm të burimeve natyrore dhe ruajtjen e gjallesave të ndryshme;
• Zbatojnë direktivat e BE-së që lidhen me konsumin e energjisë së rinovueshme dhe efikasitetin e energjisë;
• Mos marrin vendime për të investuar dhe ndërtuar centrale bërthamore, nëse nuk u jepet më parë prioritet efikasitetit të energjisë dhe burimeve të energjisë së rinovueshme.