Trajnim për Inventarizimin dhe Transferimin e Pronësisë së Pronave Publike tek Njesitë e Qeverisjes Vendore.

English

Indeks

Pershtypje

Kontakto

Projekte»Manaxhimi i sherbimeve publike

Trajnim për Inventarizimin dhe Transferimin e Pronësisë së Pronave Publike tek Njesitë e Qeverisjes Vendore.

Në shkurt 2001 Parlamenti Shqiptarë miratoi dy ligje, Ligjin e Përgjithshëm (Ligji nr. 8743) “Mbi pronat e Paluajtshme Shtetërore” (ne datë 22.2.2001) dhe Ligjin e Transferimit (Ligji Nr. 8744), “Për Trasnferimin e Pasurisë së Paluajtshme Shtetërore tek Njesitë e Qeverisjes Vendore”,(në datë 22.02. 2001). Të dy ligjet hynë në fuqi në mes të Marsit 2001 pas publikimit të tyre në Fletoren Zyrtare. Zbatimi I të dy ligjeve pritej të fillonte menjëherë pas miratimit të rregullores së zbatimit nga Këshilli I Ministrave (KM). Ligji kërkon që KM të aprovoj këto rregullore jo më vonë se tre muaj pas datës së aprovimit të ligjeve. Aprovimi i Rregullores së zbatimit I specifikuar si Vendim i Këshillit të Ministrave, Nr. 500, për “Inventarizimin e Provae Publike dhe Transferimin tek Njesite e Qeverisjes Vendore”, u bë në 14 gusht, 2001.

Nënkontraktuar nga Instituti Urban (USAID)

Data e Fillimit: Janar 2002 Data e Përfundimit: Shkurt 2002

Instituti Urban (IU) dhe Agjensia e Inventarizimit dhe Transferimit te Pronave Publike (AITPP), me mbështetjen e Ministrise së Qeverisjes Vendore dhe Decentralizimit (MPVD), ranë dakort të zbatonin një projekt pilot për inventarizimin dhe transferimin e pronave publike tek Qeveria Vendore. Projekti përfshiu shtatë njesi të qeverisjes vendore të përzgjedhura bazuar në disa kritere si: progresi në procesin e regjistrimit të pasurive të filluar nga Zyra e Reggistrimit te Pronave (ZRP) bazuar në secilin prej ish rretheve.

Bazuar në nivelin e vendndoshjes dhe përkushtimit u hartua nje list me njesitë e qeverisjes vendore. Duke u bazuar në këtë listë fillestare dhe në informacionin e marë nga ZRP për progresin e procesit të regjistrimit të pasurive, shtatë njesi vendore (bashkitë e Korcës, Kucovës, Pogradecit, Himarës; dhe komunat e Maminasit (Durrës) dhe Gjinar (Elbasan)) u përzgjodhën si pjesë e projektit. Kryetarët e cdo njesie u kontaktuan dhe u informuan për projektin pilotdhe në të njëjtën kohë iu kërkua që të konfirmonin nëse donin të ishin pjesë e projektit dhe të punonin me ekipin e projektit.

Ekipi i projektit, në fazën fillestare, u krijua me dy persona, drejtuesin e AITPP dhe një konsulent të IU. Me ngritjen e zyres se AITPP dhe punësimin e më shumë personave në këtë zyrë, u përfshinë dhe të tjerë.

Dokumenti dhe materialet ndodhen ne zyrën e IKU-t.