Hartimi i Politikave Zhvilluese në Shqipëri 2:

English

Indeks

Pershtypje

Kontakto

Projekte»Manaxhimi i sherbimeve publike

Hartimi i Politikave Zhvilluese në Shqipëri 2: "Zbatimi i Politikave dhe Planeve të Veprimit në Sektorin e Ujit"

Vendimi Nr.660, mbi “Transferimi i aksioneve te ndermarrjeve te ujesjelles kanalizimeve tek qeverisjet vendore” i marre nga Keshilli i Ministrave i Qeverise Shqiptare ne 12 shtator 2008, ka zbatuar me ne fund dispoziten e Ligjit organit mbi qeverisjet vendore (Ligji Nr.8652, date 31 korrik 2000, “Mbi organizimin dhe funksionimin e njesive te qeverisjes vendore ne Shqiperi”), duke bere ne kete menyre nje hap te madh perpara drejt decentralizimit te sektorit te ujesjelles kanalizimeve ne Shqiperi. MPPTT eshte angazhuar te beje sa me efikas decentralizimin e ketij sektori dhe te mbeshtese procesin duke krijuar nje Model Marreveshjeje Performance standarte per te ndihmuar dokumentat e ofruara nga Grupi i Punes Nder-ministror, qe do te lehtesonte rregullimin e marredhenieve te NJQV, si pronare te rinj, me ndermarrjet, si ofrues sherbimi, si dhe Skemen e Transferimit te Investimeve Bazuar ne Performance (STIBP) si nje mekanizem ligjor per alokimin e investimeve kapitale qe synojne forcimin e performances financiare dhe operacionale te ndermarrjeve.

Instituti i Kërkimeve Urbane është kontraktuar nga MPPTT për të përmbushur objektivat sic janë parashikuar në Termat e Referencës, e cila ngrihet në bazë të kontratës.

Objetivat kryesorë të përcaktuar më lart do të arrihen duke përmbushur aktivitetet e mëposhtme:

Detyra 1: Rishikimi dhe përmirsimi i Modelit ekzistues standart të Marrëveshjes së Performancës mes një ndërmarrjeje dhe zotëruesve të aksioneve të së njëjtës ndërmarrje. Duke vepruar kështu, konsulenti do të sugjerojë, duke punuar ngushtë me konsulentë të tjerë për të krijuar rregulla dhe instruksione, për institucionalizimin e zbatimit të Planit të Biznesit dhe Marrëveshjes së Performancës. Dokumenti do të udhëhiqet por jo kufizohet nga parimet dhe struktura e parashikuar në PNAP. Ai do të:

Përcaktojë drejtimet kryesore të zhvillimit të ndërmarrjes duke synuar arritjen e qëllimeve të parashikuar në PNAP në kohën më të shkurtër të mundshme;
Përcaktojë objektivat dhe burimet e zhvillimit të ndërmarrjes;
Përcaktojë rolin e Qeverisjeve Vendore, dhe të Ndërmarrjes, për arritjen e këtyre objektivave, dhe domosdoshmërinë për burime të tjera duke përfshirë investimet e huaja dhe të brendshme;
Përcaktojë një kalendar të vecantë për uljen e subvencioneve nga Qeveria Qendrore tek ndërmarrjet por jo më pak se dhjetë përqind (10%) në vit, me qëllimin e nxjerrjes jashtë të subvencioneve operacionale të Qeverisë Qendrore gjatë katër viteve të ardhshme;
Angazhojë NJQV dhe Ndërmarrjen të ulë deficitet operacionale në një masë korresponduese, por pa ulje të theksuara në cilësinë e shërbimit;
Angazhojë NJQV për të ruajtur Fushën e Shërbimit të Ndërmarrjes për të paktën dy vjet në mënyrë që të shmanget një fragmentim i panevojshëm;

Detyra 2: Asistojë pesë ndërmarrje, të përzgjedhë që të zhvillojë një plan biznesi në zhvillimin dhe përfundimin e Marrëveshjeve respektive të Performancës. Konsulenti do të përgatisë draft marrëveshjet e performancës për secilën nga pesë kompanitë pilote dhe do të asistojë aktorët e tjerë të adoptojnë dhe nënshkruajnë atë sipas roleve dhe përgjegjësive që secila nga palët është e detyruar të luaj brënda zbatimit të saj.

Detyra 3: Rishikimi i mekanizmit aktual të grantit konkurues dhe sistemit të alokimit të investimeve kapitale në sektorin e ujësjellësit dhe asistimi e hartimi i Modelit për Skemën e Transferimit të Investimeve Bazuar në Performancë (TIP), e cila do të ndihmonte konsolidimin e rrjedhës së investimeve kapitale. Aty ku do të nevojitet, të amendohet skema aktuale e granteve konkuruese në Ligjin e Buxhetit të Shtetit dhe në Instruksionet respektive të Qeverisë për zbatimin e Ligjit të Buxhetit të Shtetit. Konsulenti, gjithashtu do të përgatisë dokumentet standarte të metodologjisë për përgatitjen e projekteve të reja për tu financuar nga TIP. Konsulenti është përgjegjës për propozimin e një formule për alokimin e TIP, e cila do të ketë një komponent performance dhe një komponent jo performance, për të konsideruar:

Pjesa e kritereve të alokimit të bazuar në performancë duhet të vlerësojë performancën e ndërmarrjeve kundrejt objektivave të përcaktuar në Marrëveshjen e Performancës.
Pjesa e kritereve të alokimit jo të bazuar në performancë duhet të bazohet në nevojë, në sensin e fokusimit të investimit në vendet me nivelin më të ulët të mbulimit, me orët më të pakta të shërbimit, cilësinë më të ulët të ujit dhe/apo ku ekziston një varfëri;
Do të propozohet një skemë për alokimin e subvencioneve, duke marrë në konsideratë psh, nevojën për subvencione bazuar jo në performancë dhe boshllikun e mbetur për mbulimin e kostos operacionale dhe të mirëmbajtjes sipas planit për uljen e subvencioneve.

Detyra 4: Asistimi i pesë ndërmarrjeve të përzgjedhura për të hartuar një plan biznesi, në përgatitjen e dokumenteve të aplikimit për projekte të reja që do të financohen nga TIP të cilët janë të qendrueshëm dhe të mbështetur nga plane biznesi të dokumentuara e të aprovuara .

Detyra 5: Një detyrë tjetër i kërkon IKU-t të koordinojë me Konsulentin e Planit të Biznesit që të zhvillojë një metodologji standart me qëllim përcaktimin e kritereve të bazuar në performancën kryesore dhe nevojën, si dhe metodologjinë për monitorimin e performancës së ndërmarrjeve, të qendrueshme me planet e biznesit dhe programeve të përmirësimit të performancës që ato posedojnë. Metodologjia që do të hartohet nga konsulenti do të:

Përcaktojë nga një pikëpamje e ndjeshme analizuese faktorët kryesorë që duhet të konsiderojnë ndërmarrjet e ujësjellësit në mënyrë që të arrijnë objektivat e parashikuara në PNAP në kohën më të shkurtër të mundshme;
Sugjerojë dhe përcaktojë kriteret kyc të performancës që do të konsiderohen të përdoren për të matur performancën e ndërmarrjeve të vecanta;
Përgatisë metodologjinë për monitorimin e performancës së Kompanisë.