Projekti: "Forcimi i rolit të shoqërisë civile në promovimin e principeve të mirëqeverisjes në luftën kundër korrupsionit në sistemin dhe strukturën e qeverisjes lokale"

Financuar nga: OSCE		Kohezgjatja: Maj 2010- Shkurt 2011

Projekti ka ndërmarrë një sërë aktivitetesh që synuan realizimin e objektivave të mëposhtëm:

• Rritjen e kapaciteteve të organizatave të shoqërisë civile për t’u angazhuar në proceset e qeverisjes lokale.
• Përmirësimi i transparencës dhe bashkëpunimit ndërmjet qeverisjes lokale dhe OSHC rajonale.
• Rritjen e ndërgjegjësimit të komunitetit në lidhje më masat dhe veprimet anti-korrupsion.
  

Këto aktivitete u gropuan sipas detyrave të mëposhtme:

• Detyra 1: Vlerësimi i kapaciteteve dhe nevojave të OSHC në secilin prej qyteteve të përzgjedhur së bashku me çështjet kryesore ku ato kanë më tepër nevojë për trajnime dhe asistencë me qëllim ngritjen e kapaciteteve, dhe më konkretisht: funksionet dhe kompetencat e qeverisjes lokale, lidership, advokim dhe lobim etj.
• Detyra 2: Organizimi i Trajnimeve për OSHC lokale dhe stafin e Zyrave të Informimit Publik pranë bashkive në mënyrë interaktive, duke kombinuar prezantimin e informacioneve dhe materialeve me diskutimin e pjesëmarrësve në lidhje me eksperiencat e tyre për çështjet problematike në fushën e komunikimit dhe transparencës ndërmjet shoqërisë civile dhe qeverisjes lokale në qytetet e tyre. Qëllimi i këtyre trajnimeve ishte përmirësimi dhe ngritja e kapaciteteve të OSHV-e dhe administratës publike për të luftuar korrupsionin dhe për të përmirësuar përgjegjshmërinë e qeverisjes lokale kundrejt nevojave të komunitetit.
• Detyra 3:  Ngritja e rrjeteve të shoqërive civile në çdo qytet, duke zgjedhur një OSHC si drejtuese të rrjetit, për të mbrojtur nevojat dhe kërkesat e komunitetit për një qeverisje të përgjegjshme dhe efektive. Qëllimi kryesor në këtë fazë ishte ngritja e rrjeteve civile dhe institucionalizimi i tyre për të ndërmarr veprime dhe për të përgatitur produkte konkrete në kuadrin e përmirësimit të transparencës dhe mbrojtjes së interesit të komunitetit.
• Detyra 4: Rishikimi i kuadrit institucional për funksionimin e Zyrave të Informimit Publik në bashki në mënyrë që të përmirësohet shërbimi i informim publik si dhe cilësia e materialeve informuese për qytetarët. IKU ka asistuar në përgatitjen e një gazete lokale në lidhje me strukturën e përmbajtjes, funksionet përfshirës, procesin e përgatitjes, mënyrën e promovimit dhe kanalet e shpërndarjes tek qytetarët.
• Detyra 5: Asistencë direkte për rrjetet e OSHC në zbatimin e vlerësimeve mbi fusha specifike të qeverisjes lokale.

Ekspertët e URI-t dhe rrjetet e shoqërisë civile kryen analiza të situatës bazë të shërbimeve publike specifike, shkaqet e perfomancave të ulëta, dhe vendosën objektiva dhe rezultate të pritshme për përmirësimin e këtyre shërbimeve ashtu siç kërkohej nga qytetarët. Qëllimi kryesor ishte prezantimi i informacionit në lidhje me shërbimin dhe standardet e tij në një gjuhë të thjeshtë dhe të kuptueshme për të gjithë, dhe i treguesve të matshëm që mund të monitorohen lehtësisht nga shoqëria civile në bashkëpunim më qeverisjen lokale në të ardhmen me qëllim përmirësimin e tyre në të ardhmen.