Programi i Transparences per Bashkinë e Tiranës.

Programi financohet nga Banka Botërore dhe vihet në zbatim nga IKU dhe Qendra Kombëtare per Studime Sociale.

Koha e realizimit:

Data e fillimit: Dhjetor 2002                                    Data e përfundimit: Dhjetor  2003

Programi përfshin 2 komponente:

I. Anketen per shërbimet ne qytetin e Tiranës dhe ngritjen e nje Qendre Informacioni ne Bashkinë e Tiranës;

Objektivat specifike te studimit

• Vëzhgimi dhe identifikimi i shërbimeve qe përdoren me teper nga qytetarët e thjeshtë dhe kompanite.
• Vëzhgimi i cilësisë, sasisë dhe zgjerimit te shërbimeve qe përdoren më shume nga klientet dhe identifikimi i arsyeve kryesore qe ndikojne ne cilesine e shërbimeve.

Zbatimi i projektit dhe rezultatet:

Menyra se si është formuluar ky anketim është e thjeshtë dhe e lehte per t’u përsëritur nga vete Bashkia e Tiranës ne te ardhmen, në mënyrë që te lejojë menaxheret te bejne krahasime për të parë nese ka pasur progres, nese jane zgjidhur problemet dhe nese ndryshimet ne programet apo politikat e qeverise kane ndikuar ne efektivitetin dhe cilesine e shërbimeve.

Grupi i synuar ne kete anketim kanë qenë familjet qe jetojne ne Tiranë dhe kompanite qe ushtrojne aktivitetin ekonomik ne Tirane. U intervistuan rreth 1200 qytetarë. Kjo u realizua ne bashkëpunim me Departamentin e Burimeve Njerëzore. Pyetësori dhe rezultatet e anketimit ndodhen ne Faqen e Internetit te Bashkisë se Tiranës.

U realizua kontrolli i pergjigjeve te seciles pyetje per cdo kategori te intervistuar. Ky informacion tregon se cilat shërbime jane ne nivelin e duhur dhe cilat jo, per kategori te ndryshme qytetarësh. (Tabela e pyetjeve tregon edhe perqindjen e te intervistuarve qe rendisin cdo pergjigje, gjithashtu dhe numrin e te intervistuarve ne secilen kategori, në mënyrë që analistet te konsiderojne masen relative te cdo kategorie).

Rezultatet nga cdo pyetje paraqiten ne menyre sa me koncize dhe te lehte per t’u interpretuar. Në përgjithësi, forma kryesore e prezantimit te rezultateve te anketimit arrihet me paraqitjen e perqindjeve te grupit qe dha  pergjigje per cdo pyetje. Rezultatet jepen për të gjithe grupin e zgjedhur dhe ndahen sipas kategorive kryesore te klienteve. Te dhenat raportohen sipas llojit kryesor te klientit, zonës gjeografike (rezidenca), grupit të të ardhurave, grupmoshave, gjinise dhe përbërjes familjare.  

Nje shembull i anketes është ne zyren e IKU-t ne Tiranë per ata qe jane te interesuar mbi kete subjekt.

Komponenti II. Ngritja e kapaciteteve ne Bashkinë e Tiranës

Zbatimi i këtij projekti vjen ne nje kohe kur faza e pare, anketimi per shërbimet dhe raportimi ka perfunduar.

Objektivat specifike per ngritjen e kapaciteteve

Ngritja dhe asistenca e Qendres se Informacionit ne Bashkinë e Tiranës dhe përmirësimi i kapaciteteve te Bashkisë se Tiranës për të komunikuar dhe për të qene me te besueshem perpara qytetarëve te tyre ne ofrimin e shërbimeve nga ana e qeverisjes vendore.

Puna dhe aktivitetet e ndryshme ne Qendren e Informacionit perfshiu pergatitjen dhe ofrimin e trajnimeve qe perfshin 14 module duke trajtuar ceshtjet e meposhtme:

§         Standartet per ofrimin e sherbimeve publike,

§         Sherbimi ndaj klientit,

§         Komunikimi me klientin

Janë bërë forma te ndryshme qe u ofrojne qytetarëve informacion ose forma nepermjet te cilave qytetarët kerkojne informacion per shërbime te ndryshme, te cilat mund te gjenden lehte edhe ne Faqen e Internetit te Bashkisë se Tiranës.

Informacioni i përgatitur dhe i ofruar ne kete Qender Informacioni konsiston ne:

-         Fletepalosje me informacion te pergjithshem persa i perket struktures dhe funksioneve te bashkisë, për detyrat dhe përgjegjësite e këshillit bashkiak, shërbimet bashkiake, kalendarin e aktiviteteve dhe pritjen e qytetarëve.

-         Faqe informimi mbi detyrat dhe përgjegjësite per secilin sektor te bashkisë, rregullat baze per ndertimet, cfare kerkohet për të aplikuar per license, kriteret për të perfituar asistence sociale, taksat lokale dhe tarifat per shërbimet e tjera te ofruara nga bashkia etj.

I gjithe ky informacion mund te gjendet dhe ne Faqen e Internetit te Bashkisë se Tiranës.

Ndërkohë merren dhe regjistrohen ankesat e qytetarëve ne nje ambjent më vete brenda strukturave te organizuara te bashkisë, sic është Qendra e Informacionit, e cila po përmirëson komunikimin me qytetarët, si pjese e sistemit te Kartave te Raportimit. Për të regjistruar ankesat, qytetarët ne Qendren e Informacionit duhet të plotësojnë nje forme aplikimi e cila bëhet ne dy kopje dhe nje kopje dergohet te zyrtari përgjegjës. Ky informacion i kalohet Kryetarit te Bashkisë dhe këshillit bashkiak, në mënyrë që te sigurohet se personeli i bashkisë e ka kryer detyrën ndaj nevojave te qytetarëve. Pervec kesaj, statistikat që kanë të bëjnë me numrin dhe llojin e ankesave përdoren per monitorimin e performances se shërbimeve dhe kjo konsiderohet ne buxhetin e ri qe Bashkia e Tiranës përgatiti per vitin 2004 apo vitet ne vazhdim.

Per vete faktin se nje qender informacioni nuk mund t’u pergjigjet te GJITHA nevojave te qytetit dhe duke marrë parasysh problemin e transportit publik, qe nuk e mbulon tere qytetin, u ngrit dhe nje qender tjeter informimi para fundit te vitit 2004, qe do t’i sherbeje me mire qytetarëve, duke u bazuar ne kapacitetet dhe eksperiencat e marra nga Qendra e Informacionit te Tiranës, e asistuar si gjithmone nga IKU&NACSS.