Asistencë teknike për Institutin e Statistikave (INSTAT) dhe zyrat rajonale (www.instat.org.al)

Financuar nga: BE                                                                    Kohëzgjatja: Shtator 2009-Shtator 2010

Konteksti i projektit është i lidhur me faktin që INSTAT-i ka hyrë në një fazë të rëndësishme të detyrave institucionale, me pasoja direkte mbi kredibilitetin dhe përafrimin e Sistemit Kombëtar të Statistikave të Shqipërisë me kushtet e BE. Organizimi i regjistrimit të planifikuar të popullsisë dhe pronave në 2011, regjistrimit të sipërmarrjeve bujqësore dhe atyre ekonomike jo bujqësore janë aktivitete të rëndësishme me impakte direkte jo vetëm mbi INSTAT por gjithashtu mbi zhvillimin e sistemit kombëtar të statistikave dhe mbi të gjithë vendin në përgjithësi. Për një vend, zbatimi i regjistrimit (census) mundëson prezantimin e një përshkrimi korrekt të këtij vendi para qeverisë dhe organizatave internacionale, të bazuar mbi një pasuri të dhënash cilësore si fakte për vendim marrje dhe për krahasime internacionale.

Projekti ofron asistencë teknike për INSTAT dhe zyrat rajonale me qëllim përmbushjen e objektivave të mëposhtëm:

• Forcim i rrjetit dhe zyrave rajonale të INSTAT-it: Asistencë për INSTA nëpërmjet forcimit të zyrave rajonale për mbështetjen E decentralizimit të disa aktiviteteve për statistikat, duke përmirësuar kapacitetet dhe aftësitë në zyrat rajonale të INSTAT-it dhe instalimin e një sistemi ICT që monitorohet nga Drejtoria e Përgjithshme e INSTAT-it dhe që përputhet me standartet europiane dhe praktikat më të mira nga vendet e tjera të BE.

• Përmirësim i kapaciteteve të INSTAT-it për të kryer me sukses regjistrimet në vijim (bujqësisë dhe popullsisë): Ky synon mbështetjen e INSTAT-it për ngritjen e një strukture të përshtatshme dhe të plotë, planifikimin e aktiviteteve dhe zhvillimin e kompetencave dhe aftësive për përgatitjen e regjistrimit në bujqësi, të popullsisë dhe pronave në Shqipëri.

•  De-koncentrimi i mbledhjes së të dhënave bazë statistikore dhe i përgjegjësive të anketimeve: Mbështetje për INSTAT me decentralizimin e disa aktiviteteve të synuara drejt Zyrave Rajonale, me qëllim mbështetjen e Institutit për prodhimin dhe përpunimin e statistikave rajonale në përputhje me praktikat më të mira nga vendet e tjera të Europës.

Përfitimet nga zbatimi i projektit janë direkte dhe jo direkte për INSTAT-in, zyrat rajonale si dhe në shkallë vendi dhe për gjithë sistemin kombëtar të statistikave në lidhje me:

• Mundësimin e një përshkrimi real të një vendi para qeverisë dhe organizatave internacionale duke u bazuar mbi një pasuri të dhënash statistikore si fakte për vendimmarrje dhe për krahasime me vende të tjera.

• Rritjen e kapaciteteve të qëndrueshme në lidhje me mbledhjen dhe përpunimin e të dhënave dhe-veçanërisht-me analizën

• Aftësimin e INSTAT-it ne prodhimin e vazhdueshëm dhe të besueshëm të dhënave rajonale mbi bazën e rregulloreve të NUTS dhe standarteve internacionale.

Zbatimi i këtij projekti ofron mbështetjen e nevojshme për proçesin e decentralizimit në INSTAT nëpërmjet përmirësimit të kapaciteteve në Zyrat Rajonale. Një pjesë e rëndësishme e projektit është fokusuar në de-koncentrimin e Drejtorisë së Përgjithshme të INSTAT-it nga barra e përgjegjësisë së mbledhjes së centralizuar të të dhënave statistikore, dhe në mundësimin e INSTAT-it për prodhimin e të dhënave rajonale rajonale dhe të besueshme sipas standarteve ndërkombëtare.