Plani i Investimeve Kapitale me pjeëmarrje- KAVAJË

Financuar nga: Fondacioni Soros                                       Kohëzgjatja: Janar-Korrik 2010

Dokumenti i PIK-ut përmban listën e projekteve të përzgjedhura nga komisioni qytetar për një periudhë 3-5 vjeçare

- Përshkrim të shkurtër për çdo projekt
- Koston e plotë të projektit dhe koston e financimit sipas viteve dhe për çdo fazë (projekt,tender,ndërtim etj)
- Paraqitjen urbanistike dhe foton e vendit ku do të zbatohet projekti
- Fushën e zhvillimit
- Burimet e financimit, etj

Faza I, Identifikimi dhe mobilizimi i aktorëve kryesorë:

U arrit një konsensus “gjithëpërfshirës” nëpërmjet konsultimeve, mirëkuptim i qartë i Kryetarit dhe antarëve të këshillit të Bashkisë për rëndësinë e këtij dokumenti, duke përfshirë një gamë të gjerë të pjesëmarrësve lokalë. Aktorët kryesorë në proçes ishin : pjesëtarë të komunitetit (banorë sipas tre zonave), antarë nga komuniteti i biznesit (ndërtues, arkitektë, inxhinierë), nga OJQ  ,të rinjtë, grupe aktive të grave në komunitet, dhoma e tregtisë,media lokale (tv6 dhe tv2), grupe këshilltarësh etj. Qendra Alternative për Komunikim dhe Informim, mbështetur nga administratorët e çdo lagjeje dhe nëpërmjet shoqatës “Forumi Qytetar” të Kavajës vendosën postera  në vende të dukshme, realizuan njoftimin derë më derë dhe shpërndanë ftesa për qytetarët .U përdorën dhe njoftimet me linjë telefonike. Ftesa të veçanta u shpërndanë për antarët e këshillit dhe institucionet që veprojnë në Kavajë. U pasqyrua në buletinin informativ  të gjitha fazat e proçesit të PIK-ut me një fokus të veçantë mbi rolin e qytetarëve në këtë proçes.

Faza II ,Organizimi i takimeve me publikun :

Tërheqja e mendimit qytetar për nevojat në fushën e investimeve kapitale u realizua në tre takime të hapura për 6 lagjet .Për shkak të nivelit të ulët të pjesëmarrjes së grave dhe të rinjve në aktivitetet e Bashkisë, u organizuan disa takime fokus grup me këto grupe interesi . 

a) Gjithsej në takimet e hapura publike  morën pjesë 195 qytetarë, ku rreth 14 % e tyre ishin gra.
             
b) U shpërndanë rreth 150 anketa për tërheqjen e mendimit qytetar dhe biznesit  lidhur me përcaktimin e tre investimeve kapitale më të rëndësishme  për ta.

Faza III , Organizimi i proçesit të përpunimit të informacionit: 

Informacioni është mbledhur nëpërmjet takimeve të hapura publike ose anketimet ku u përfshinë rreth 330 qytetarë dhe grupe interesi ose 1 në 30 familje të Kavajës. Informacioni i përpunuar përmban 543 propozime. Në bashkëpunim me stafin e Bashkisë u bë proritizimi i listës sipas fushave, ku rreth 51% e tyre janë projekte të shërbimeve publike dhe rrugëve e trotuareve.

Faza e IV, Prezantimi i listës përmbledhëse të investimeve të propozuara :

Në këtë fazë është bashkërenduar informacioni i Bashkisë me propozimet e qytetarëve. Departamentet e Bashkisë trajnohen për mënyrën se si t’i paraqesin propozimet e përpunuara në formularët përkatës të përgatitura për këtë qëllim. U shfrytëzua çdo informacion ekzistues i hartuar me pjesëmarrjen qytetare si lista e projekteve prioritare të miratuara nga Këshilli,lista e transferimit të pronave etj.

Faza e V , Proçesi i vlerësimit të projekteve:

Komisioni, që vlerësoi kërkesat nga pikëpamja e sigurisë dhe shëndetit të qytetarëve dhe kritereve të tjera, përbehej nga 33 antarë (9 të zgjedhur nga lagjet), ku 18 % ishin  femra. Ky komision përbëhej nga qytetarë të përzgjedhur nga komuniteti, stafi i bashkisë dhe grupe të interesit.

Faza VI ,Ngritja e Bashkëpunimit dhe Krijimi i Konsensusit:

Asistenca e URI-t në këtë fazë synon përgatitjen e listës përfundimtare me projekte të prioritizuara mbi bazën e kritereve të vendosura me konsensus dhe me një vizion strategjik të përbashkët. Komisioni mori pjesë në dy trajnime mbi metodat e vlerësimit dhe lista përfundimtare me 59 projekte.

Faza VII,Përgatitja e produktit, Planit të Investimeve Kapitale (PIK):

U analizua informacioni financiar për identifikimin e nevojave dhe burimeve të mundshme që do të mbështesin PIK, projektet janë të kategorizuara sipas viteve me përshkrimin teknik dhe fizibilitetin financiar respektiv.
     a) Analiza financiare: IKU ka organizuar trajnim mbi planifikimin financiar 3-5 vjeçar dhe përcaktimin e tepricës operacionale. Projektet e investimeve kapitale mund të buxhetohen çdo vit  në vleftën 105328 mije lek (nga burimet e veta) ose 204143 mije lek duke ju referuar dhe burimeve të tjera të kushtëzuara të mundshme.

Faza VIII:Miratimi i PIK në Këshillin e Bashkisë

Mbas prezantimit përfundimtar në publik dokumenti u miratua nga Këshilli i Bashkisë dhe u publikua