Dizenjimi dhe zbatimi i një stategjie për Partneritet Publik Privat në Bashkinë e Korcës

Kohëzgjatja e projektit Shkurt’2009-Qershor’09

Objektivat kryesore të projektit janë:

1) Përmirësim i menaxhimit të aseteve lokale- ngritje kapacitetesh për stafin e administratës publike dhe përfaqësuesve të zgjedhur për këtë çështje si dhe zhvillimin e modeleve që mund të adaptohen në situata të ngjashme në të ardhmen.

2) Tërheqja e investitorëve privatë drejt vënies në funksionim të zonave urbane të papërdorura që mund të shndërrohen potencialisht  për zgjidhjen e nevojave për strehim si dhe shërbime të tjera për komunitetin.

Detyrat kryesore të projektit janë:

• Përgatitja e një seti të plotë dokumentesh mbështetur në kuadrin ligjor për zhvillimin e një PPP të suksesshëm
• Mbledhja dhe analiza e të dhënave financiare, inxhinierike dhe teknike në lidhje me përdorimin e mëparshëm, aktual dhe të mundshëm në të ardhmen të pronës që është dhe objekt i projektit. Prezantimi i alternativave të mundshme për investim që janë atraktive për sektorin privat.
• Asistencë e ofruar në analizën e burimeve të ndryshme të financimit që mund të përdoren për infrastrukturën, nëpërmjet burimeve të veta të Bashkisë ose huamarrjes në banka tregtare. 
• Analizë e situatës financiare të bashkisë si dhe parashikim i të ardhurave dhe shpenzimeve duke u mbështetur mbi politikat dhe paketat fiskale të reja si dhe efektet e faktorëve makroekonomike  në vitet e ardhshme-kohëzgjatja e projektit.
• Krijimi dhe përzgjedhja e indikatorëve dhe parametrave konkretë për projektin si dhe asistenca në përgatitjen e një modeli PPP që mund të zbatohet për pronën publike.
• Asistencë dhe mbështetje në ngritjen e strukturave përkatëse dhe institucionalizimin e një procesi të mirëfilltë konkurrues përzgjedhës të investitorit privat potencial për zbatimin e PPP. 
• Ngritje e kapaciteteve dhe ekspertizës në administratë për zbatimin dhe përcjelljen e njohurive të këtij procesi në situata të ngjashme në të ardhmen.

PLANIFIKIMI I INVESTIMEVE KAPITALE NË BASHKINË E POGRADECIT

Kohëzgjatja e projektit shkurt 09-prill 09

Ky projekt është i fokusuar në përmirësimin e qeverisje vendore në drejtim të rritjes së cilësisë së shërbimeve si dhe rritjes së mirëqenies së qytetarëve duke përzgjedhur investimet prioritare në infrastrukturë që do të ndikojnë dhe në zhvillimin e turizmit në Bashkinë e Pogradecit.

Ky projekt është fokusuar në këto komponentë:

Komponenti 1: Asistencë në identifikimin e të gjithë aseteve publike lokale që duhet të rehabilitohen, ri-konstruktohen dhe kanë nevojë për investime shtesë si dhe në përcaktimin e intervalit kohor kur duhen kryer dhe alternativave të financimit.

Komponenti 2: Analiza dhe përcaktimi i investimeve kapitale prioritare që reflektojnë kërkesat e qytetarëve në Bashkinë e Pogradecit për zhvillimin e turizmit dhe rritjes së mirëqenies së qytetarëve.
 

Komponenti 3:  Asistencë në analizën financiare dhe inxhinierike të projekteve kapitale bazuar mbi kostot dhe fizibilitetin financiar të projekteve për të mbuluar një pjesë të kostove të investimit si dhe alternativat e mundshme të financimit duke aplikuar për mbështetje financiare në banka.

Komponenti 4: Asistencë teknike për Bashkinë e Pogradecit në menaxhimin e procesit të plotë të Planifikimit të Investimeve Kapitale nga këndvështrimi makro si dhe në krijimin një database informacioni që mund të transmetohet dhe adaptohet lehtësisht në situata të ngjashme në të ardhmen.

Eksperienca e konsiderueshme e URI-t për pjesëmarrjen e qytetarëve  në procesin e  vendimmarrjes është një komponent i rëndësishëm në të gjithë hallkat e proçesit. Elementi më i rëndësishëm në PIK është pjesëmarrja e qytetarëve në përcaktimin e investimeve kapitale prioritare si dhe rritja e ndërgjegjësimit të tyre për detyrimet në lidhje me pagesat e taksave dhe tarifave që përbëjnë një ndër pjesët kryesore të buxhetit që do të përdoret për investime kapitale.

Shkarko Kapakun+Permbledhjen e Raportit ketu