Buxhetimi dhe Monitorimi me Pjesëmarrje në Korçë dhe Pogradec

Financohet nga: Komisioni Europian                                                   Kohëzgjatja: 2009-2011

Fazat e zhvillimit të projektit:
1. Mobilizimi i faktoreve dhe aktoreve te projektit : Mbas mbështetjes te synimeve dhe aktiviteteve të projektit nga kryetarët e Bashkive ,
- u ngritën Grupet e punës në të dy qytetet me përfaqësues nga shoqëria civile, këshilli dhe administrata e bashkisë. U zgjodhën dy koordinatorë lokalë në rolin e ndërmjetësit midis IKU-t dhe bashkive respektive;

- u hartua një kalendar i aktiviteteve kohore;
- u mundësua ngritje e kapaciteteve të  aktorëve kryesore të proçesit në fushën e buxhetit  dhe informimit qytetar;
- u përgatitën materialet sensibilizuese për komunitetin.

2. Organizimi i Cikleve të takimeve me komunitetet e Bashkive Korçë dhe Pogradec. Në këtë kuadër janë zhvilluar:
• Takime me Pushtetin Vendor për grumbullimin e të dhënave rreth buxhetit të kaluar  dhe parashikimeve 2010;
• Përgatitja e prezantimeve në publik: mbi  Rezultatet  që priten nga projekti i KE  dhe mbi realizimin e investimeve 2008-2009 dhe projektet në vazhdim për vitin 2010;

• Ndarja e bashkive në zona për  takimet me komunitetin, Korça në 6 zona,Pogradeci në 3; 
• Dy raunde me takime të hapura  me komunitetin e secilës zonë për përcaktimin e nevojave të tyre;
• Lista e prioriteteve të nevojave dhe sugjerimeve të çdo pjesëmarrësi në takim 
? 245 qytetarë  në takim , 20% femra ,120 propozime gjithsej  (Korça)
? 162 qytetarë  në takim, 31% femra ,u propozuan 43 investime dhe 48 përmirësime shërbimesh
• përzgjedhja e përfaqësuesve qytetarë ,pjesë në Komisionin e Buxhetimit me Pjesëmarrje.

3. Ngritja dhe funksionimi i Komisionit të Buxhetimit me Pjesëmarrje, me antarë të zgjedhur nga komuniteti dhe stafi i bashkisë nga departamenti i financës, buxhetit dhe shërbimeve publike;
- Ngritje kapacitetesh rreth filozofisë së Buxhetimit me Pjesëmarrje dhe rolit të tyre në këtë proçes,
- Rreth kritereve të mundshme për përzgjedhjen e prioriteteve prioritare
• Prioritizimi i nevojave të identifikuara si prioritare nga komunitetet gjatë takimeve të hapura ,mbështetur në burimet e financimit
• Studim i fizibilitetit të prioriteteve të propozuara dhe finalizimi i kësaj liste
• Dërgimi i kësaj Matrice në Grupet e Punës për diskutim me komisionin ekonomik të këshillit të Bashkisë,respektivisht.

4. Aprovimi  i  Buxhetit të vitit 2010 nga Këshilli Bashkiak. Ky komponent u shoqërua me aktivitete lobimi, sqarimi e ndërgjegjësimi, si takime, biseda e tryeza të rrumbullakëta.
• Grupi i Punës hartoi  draftin e parë të buxhetit të bashkive  , i cili u shqyrtua edhe njëherë nga Komisioni Qytetar i Buxhetimit me Pjesëmarrje dhe përfaqësues të komunitetit
• U verifikuan në terren projektet prioritare
Korçë: Nga 18 priëritete të përzgjedhura nga komisioni qytetar, këshilli i Bashkisë do të mbështesë 8 prej tyre. Pra ,rreth 60% e fondit të investimeve do të mbështesë prioritetet qytetare.
Pogradec : Nga propozimet për investime nga qytetarët, buxheti do të mbështesë 6 ose 38 % të tyre.

Iniciative e re nga proçesi i buxhetimit me pjesëmarrje  “ Jepi zgjidhje”në Korçë : Nisma i përgjigjet kërkesave të qytetarëve në fushën e shërbimeve publike (nga takimet e BP ato zunë 56% të kërkesave.Pra,nisma synon rritjen e efektivitetit të përdorimit të fondeve të mirëmbajtjes dhe zgjidhje të shpejtë të ankesave.

- Të gjitha shqetësimet e ngritura nga qytetarët depozitohen pranë rajoneve administrative
- Verifikohen dhe fotografohen në terren problemet e ngritura
- U jepet zgjidhje brenda një jave nga strukturat e Bashkisë  dhe fotografohet e raportohet ndryshimi

5. Ngrihen grupet monitoruese per dy investime prioritare që do të mbështeten me buxhetin 2010

-Trainohen grupet për këtë proçes dhe ndahen detyrat në funksion të instrumenteve monitorues
- Përgatiten raportet për Bashkinë dhe grupet qytetare

6. Institucionalizohet procesi i BP (vazhdimësia e proçesit)