Konsolidimi i vizionit të qeverisë Shqiptare për Qarqet apo Rajonet si një nivel i dytë i qeverisjes ndër të tjera synohet të arrihet nëpërmjet:

•  Forcimit të demokracisë lokale

•  Ofrimit të shërbimeve cilësore më prane qytetarëve

•  Përdorimit me më efikasitet të fondeve të qeverisë qendrore

Zbutja e varfërisë, cështje kjo e analizuar në nivel qarku, në strategjitë respektive duke analizuar indikatorët përkatës në nivel lokal dhe kombëtar përbën një dimension tjetër të rëndësishëm të zhvilluar nga projekti DZHR.

Eksperiencat pozitive europiane të ndërtimit institucional të Rajoneve janë përpunuar me kujdes nga projekti DZHR duke i ofruar qeverisë shqiptare rekomandime të modeleve të suksesshme.

Në këtë kuadër rekomandohet që:

• Procesi i reformave administrative për rajonet të jetë i natyrshëm dhe i thjeshtë.
• Institucionet rajonale aktuale që paraqiten relativisht të konsoliduara të vlerësohen dhe t’u krijohet hapësira e nevojshme për reformim.
• Shërbimet e ofruara nga ato duhet si rregull t’u afrohen qytetarëve
• Institucionet rajonale të reformuara të përfaqësojnë sa më mirë komunitetin në projekte cilësore të bashkëpunimit, etj.

Një komponent specifik që projekti DZHR ka synuar të konsolidojë në qeverisjen vendore është ai i bashkëpunimit ndërkomunal, pasi deri tani nuk kemi eksperienca të përdorimit të këtij instrumenti në projekte për interesa të përbashkëta të bashkive e komunave.

Roli i Qarkut është shumë i rëndësishëm në këtë drejtim pasi në shumë fusha kompetencat e tij si institucion, në mënyrë që të ushtrohen me eficencë kërkojnë bashkëpunimin normal të sa më shumë njësive të qeverisjes vendore të nivelit të parë.

Këto cështje janë artikuluar gjithashtu edhe nga drejtuesit e bashkive, komunave dhe qarqeve të ndryshme në takimet rajonale të organizuara në qarqet e Pogradecit, Sarandës, Beratit, Shkodrës dhe Tiranës, ku ishin prezentë përfaqësues nga të gjitha qarqet, bashkitë dhe komunat e vendit. Ky tur seminaresh u organizua në bashkëpunim me Ministrinë e Brendëshme në kuadrin e implementimit të fazës së dytë të projektit DZHR.

Harmonizimi i strategjive kombëtare me ato sektoriale, duke krijuar premisat e trajtimit të tyre në lidhje dhe ndërvartësi reciproke përbën një drejtim të vecantë të konsideruar në fazën e dytë të implementimit të projektit DZHR.

Në rekomandimet përfundimtare, projekti DRD ndër të tjera tërheq vëmendjen e aktorëve të interesuar në vlerësimin e tre aspekteve thelbësore të zhvillimeve rajonale dhe sidomos për specifikat e Shqipërisë, konkretisht:

1. Përpunimin e politikave të zhvillimit bujqësor në nivel rajonal
2. Perrcaktimin e prioriteteve në varësi të specifikave të cdo rajoni dhe perqëndrimi i alokimit të fondeve si nga buxheti i qeverisë qendrore ashtu dhe ai i qeverisë vendore në drejtimet e prioritizuar
3. Monitorimi i procesit të realizimit të strategjive rajonale, analizimi i progresit dhe identifikimi i vështirësive dhe përmirësimi apo rishikimi i strategjive rajonale