Projekti për Sistemin e Integruar të Monitorimit dhe Vlerësimit të PZHBN

Qeveria Shqiptare për një periudhë 5 vjeçare do të realizojë Projektin për Zhvillimin e Burimeve Natyrore financuar nga Banka Botërore, GEF dhe SIDA.

Projekti ka për qëllim të zhvillojë menaxhimin e burimeve natyrore të bazuar në komunitet në rreth 218 komuna në tokat e larta dhe malore të ekspozuara ndaj erozionit, që do çojë në rritjen e prodhimtarisë dhe të ardhurave nga menaxhimi i qëndrueshëm i burimeve, uljen e degradimit të tokës, përmirësimin e menaxhimit të ujit, mbrojtjen e biodiversitetit, dhe fuqizimin e menaxhimit të këtyre burimeve nga sektori publik.

Projekti përbëhet nga tre komponentë kryesorë:

• Komponenti A - Menaxhimi dhe qeverisja e përmirësuar e pyjeve dhe e kullotave;
• Komponenti B - Menaxhimi dhe Qeverisja e Përmirësuar e Pellgjeve Ujëmbledhëse;
• Komponenti C - Aktivitete për krijijimin e një sistemi funksional për monitorimin dhe vlerësimin e sasisë, cilësisë dhe qëndrueshmërisë së arritjeve të projektit.

Në funksion të këtyre komponentëve, PZHBN ka formuluar disa objektiva të cilat do të realizohen në vite përpos burimeve dhe aktiviteteve të programuara:

1. Të krijojë ose vazhdojë menaxhimin e bazuar në komunitet të burimeve natyrore në rreth 218 komuna në tokat e larta dhe malore të ekspozuara ndaj erozionit.
2. Rritjen e produktivitetit nëpërmjet menaxhimit të qëndrueshëm të burimeve.
3. Rritjen e të ardhurave nëpërmjet menaxhimit të qëndrueshëm të burimeve.
4. Reduktimin e  degradimit të tokës.
5. Përmirësimin e menaxhimit të ujit.
6. Mbrojtjen e biodiversitetit.
7. Fuqizimin e menaxhimit të burimeve nga sektori publik.
8. Menaxhimin e qëndrueshëm të pyjeve, kullotave dhe burimeve të tjera natyrore.
9. Koordinimin dhe menaxhimin efektiv dhe efiçient të projektit.