Advokim për fonde për sektorin e bujqësisë

Financuar nga: Oxfam (www.oxfam.org)                Kohëzgjatja: 2008

Partneritet: Lëvizja Europiane në Shqipëri ( antare e Lëvizjes Europiane  www.europeanmovement.eu )

IKU në bashkëpunim me Lëvizjen Europiane në Shqipëri ka hartuar një raport studimi që ofron të dhëna dhe informacion për mënyrën se si influencon proçesi i përgatitjes dhe zbatimit te Buxhetit mbi varfërinë në nivel lokal. Bazuar mbi të dhënat e studimit, IKU dhe EMA kanë ndërmarr një set aktivitetesh për ngritjen e një modeli advokimi, në nivel qendror dhe lokal, për një vëmendje më të veçantë për alokimin e fondeve në sektorin e bujqësisë.

Shqipëria ka një ekonomi që mbështetet mbi zhvillimin rural, dhe megjithëse ky sektor ka një kontribut prej 25 % te PPB përsëri karakterizohet nga një alokim fondesh prej 0.8 % nga buxheti total. Gjate projektit u synua zhvillimi dhe përforcimi i një bashkëpunimi të afërt me përfaqësues nga politikë bërësit dhe vendim marrësit si Ministria e Bujqësisë, Ushqimit dhe Mbrojtjes së Konsumatorit, Ministria e Financës etj për të bashkërenduar përpjekjet për advokim dhe lobim për një rritje të buxhetit që alokohet për bujqësinë. Gjithashtu ky projekt synoi dhe sensibilizimin dhe mbështetjen e pjesëmarrjes qytetare nga komuniteti rural në proçesin e përgatitjes së buxhetit si dhe adresimin e bujqësisë si një prioritet në strategjitë kombëtare për një zhvillim të qëndrueshëm ekonomisë dhe mirëqënie.

Aktivitetet kryesore qe u ndërmorën për përgatitjen e këtij raport studimi janë si më poshtë:

• Kryerja e një analize krahasuese të buxhetit rural dhe zbatimit të tij për 2007-2008: aktorët kryesorë të përfshirë si dhe kuadrin ligjor regulator në bashkëpunim me institucionet përgjegjëse.

• Ofrimi i argumentave dhe rritja e ndërgjegjësimit për shoqërinë civile dhe median për të lobuar për një alokim dhe përdorim më të mirë të fondeve për sektorin e bujqësisë (aktivitete advokimi si takime publike, konferenca shtypi etj)

• Përdorim i informacionit për eksperiencat më të mira ndërkombëtare për dizenjimin dhe menaxhimin e buxhetit rural për ta përshtatur për kushtet e Shqipërisë.

• Përgatitja e një seti rekomandimesh për ndryshime të buxhetit që adresojnë zhvillimin makroekonomik me fokus zhvillimin e bujqësisë që përfshin: një sistem informimi dhe raportimi që nxit vendim marrje efektive dhe përfshirjen e indikatorëve të përformancës që lejojnë analizën e trendit dhe krahasimet ndër institucionale.

   
• Krijimi i lidhjes së buxhetit lokal dhe kombëtar me rezultatet e pritshme që mbështetin zhvillimin e bujqësisë.
Ky raport studimi i mbështetur me aktivitete të rritjes të ndërgjegjësimit kontribuojnë në një rritje të buxhetit të alokuar për bujqësinë duke sjell përfitime për:

1. përfshirjen e shumë aktorëve të interesit në proçesin e vendimmarrjes duke përmirësuar planifikimin e buxhetit, shpenzimeve dhe të ardhurave për këtë sektor.
2. më shumë vende pune për veçanërisht popullsinë në zonat rurale dhe përmirësimin e kushteve të jetesës.
3. rritje e prodhimit bujqësor të në Shqipëri për të furnizuar më mirë tregun dhe për të luftuar konkurencën e çmimeve të produkteve të importuara.

Shkarko Kapakun+permbledhjen ketu